Sigurjón pípari ehf.

Sigurjón pípari ehf. var stofnað af Sigurjóni Jónssyni, löggiltum pípulagningameistara.

Hjá fyrirtækinu starfar öflugur hópur fagmanna með reynslu af fjölbreyttum verkefnum á sviði pípulagna.

Við bjóðum einstaklingum, húsfélögum og fyrirtækjum persónulega og áreiðanlega þjónustu. Við tökum að okkur verkefni af öllum stærðum og leggjum áherslu á fagleg vinnubrögð, snyrtilegan frágang og lausnir sem henta hverju verkefni.

Þjónustan nær meðal annars til almenns viðhalds og viðgerða, breytinga og endurnýjunar lagna, endurnýjunar baðherbergja, kjarnaborunar, gólfhitakerfa og snjóbræðslukerfa.

Sérhæfing í endurnýjun skólp- og drenlagna

Við höfum mikla reynslu af lagningu og endurnýjun skólp- og drenlagna. Eldri lagnir geta með tímanum skemmst, sigið eða stíflast og valdið raka, leka eða öðru tjóni ef ekki er brugðist við.

Við erum með nauðsynlegan tækjabúnað til að sjá um slík verkefni frá upphafi til enda, allt frá undirbúningi og jarðvinnu til lagningar og frágangs. Þannig getum við boðið heildstæða og hagkvæma lausn án þess að kalla þurfi til marga mismunandi verktaka.

Við gerum föst verðtilboð í stærri verk sé þess óskað og veitum faglega ráðgjöf um þær lausnir sem henta best hverju sinni.

Við finnum lausn sem hentar þínu verkefni